Fonts:
I sistèmi operadivi pì recenti (Windows 7, 8, Vista, XPsp3...) i vien fora co' i font prensipaƚi (Arial, Segoe UI, Times New Roman, Courier New e altri) xà axornài a tuti i segni Unicode che ghe vol par ƚe scriture vènete.

Se te sì so un sistèma che el gà oramài pì de calche ano de vita, te pol descargar da i link soto e copiar i font Unicode inte ƚa to cartèƚa windows/Fonts o WinNT/Fonts o corispondente de Linux o Mac OS X o altri (se no te gà un S.O. Windows o Linux o Mac OS X pol darse che el formato TTF no'l sipia conpatìbiƚe e che te gabi da convertirlo. Fà riferimento a 'l supòrto tènico de'l to sistèma par saver come far. Mac OS X, come anca Windows, el supòrta anca el formato Open Type).

Se te gà xà un sistèma sucesivo a XPsp3 e te vol catar comuncue alternadive a i to font de sistèma par i to laori pì o manco letrarî (xé da proar 'l elegantìsimo "Gentium", prexenpio, el pì bel font co' grasie disponìbiƚe so'l marcà), te pol descargar e istaƚar gratis i mèjo font Unicode non destribuìi de sèrie inte i S.O.

More fonts availabe (under the open font licence) on the SIL website.