Basta un PC co' na tastièra co' létare latine e nùmari cualsesipia, sensa acenti e caràteri speciaƚi.

El Keyman el xé indispensàbiƚe par tuti chi che i vòja scrìvar decentemente anca in altre lengue, Talian, Norvegexe, Turco... nisun computer o dispoxidivo a 'l mondo el gà i tasti necesari a scrìvar tuto, MAJÙSCOȽE ACENTÀE o altro, ö, Ö, ø, ā, ă, ą ... Par cui, se te vol scrìvar profesionalmente, te basta "ABC", "123" e Keyman. Gninte còpia e incòƚa da mape de caràtere.

N.B. Da ƚa version 9.0 Keyman el xé conpletamente gratis

Se conseja de aver senpre istaƚà "Venetia&Histria" e "European Latin"
Cuà xé ƚa pàxena co'l pro-memòria de tastièra Venetia et Histria, vàƚido par cualsesipia tastièra hardware latina co' soƚo létare baxe A-Z (mericana conprexa). No ocor che ghe sipia tasti acentài o caràteri non ascii so ƚa tastièra hardware de ƚa màchina in uxo.

Cuà xé un PDF (clik drèto e salva) co'l pro-memòria de ƚa stesa tastiera.
 

Keyman Desktop - Prodoto da Tavultesoft, market leader de i prodoti par scritura profesional

• Sentenère de tastière gratis, par tute ƚe lengue de 'l mondo;
• Ƚa version "Keyman Light" la supòrta nòma che do mape de tastièra contenporaniamente, ƚa version Pro no ƚa gà limitasion
• Chi che el vol personaƚixar na tastièra, o dixegnàrghene una de nova, el gà da doparar Keyman Developer

Co' ƚa version "light" te pol doparar fin a 2 mape de tastièra contenporaniamente, cioè se te vol pasar da Vèneto a Àrabo a Grègo a Ruso, te gà da dexistaƚar una de ƚe mape par istaƚàrghene naltra. Co' ƚa version "professional" no ghe xé lìmite.
Dapò meso suxo el keyman, light o professional che se vòja, istaƚa ƚa tastièra in pochi secondi diretamente da Keyman (o dòpara sto file de tastièra - el istaƚa ƚa Venetia&Histria da so pòsta).

Clik "sanco" so l'icona  par vèrxer el menu co' tute ƚe tastière cargàe (inte 'l exenpio "Venetia et Histria" e "European Latin"), e inpisar/destuar:

Da ƚa version 7.1 no ghe xé do menu, co' clik sanco e drèto, ma uno ùñoƚo.

Menu version 8 (exenpio Keyman Desktop Pro pre release):

Par vèrxer el file co' el pro-memòria de "Venetia & Histria" (PDF - clik drèto e salva), clik so "àida tastièra" (istrusion tastièra, mapa tastièra.. oncora da definir).

O sinò, vèrxer "Confegurasion"; in "Hotkeys" asegnarghe un tasto ràpido a ƚa funsion "ativa tastièra", "dexativa tastièra", o altre funsion baxe. Inte sto exenpio cuà soto se ghe dà "F12" par inpisar ƚa tastièra "Venetia et Histria" e "F9" par destuarla. Se pol anca asegnar un tasto par vèrxer ƚa finèstra stesa de confegurasion:

Un click su F12 (secondo 'l exenpio) e se inpisa ƚa tastièra Venetia&Histria:
Tastièra ativada

A partir da ƚa version 7.1, interfacia utente co' lengua desernìbiƚe da drento el panèƚo de confegurasion (descargo de ƚa lengua/e a richièsta)

Editor de tèsto co' àida font (version 8):

Ƚa àida font (version 8, cuà in Keyman Desktop Pro) ƚa te dixe che font, e cuanto, che i xé conpatìbiƚi co' ògni tastièra. Curioxità: cuà se vede Tahoma che, inte na version de calche ano fa, no 'l gaveva tuti i grafi ativài da ƚa tastièra "Venetia&Histria"; invense so ƚe ùltime version de Tahoma unicode istaƚàde co' i sistèmi operativi standard, xé disponìbiƚi tuti i grafi necesari. Co' tuti i grafi soto òcio te pol saver se te pol doparar un font par ƚa to lengua; te vedi sùbito cuanti e che grafi che manca a coèrxar ƚa tastièra spesìfega.

Co' ƚa mapa caràteri Pro (no te mostremo exenpi so sta pàxena, vixivamente ƚa xé na mapa caràteri come altre), gninte altro còpia e incòƚa, basta un dopio clic par doparar i grafi cualsesìa (ògni còdexe, anca fora de cueƚi ativài da ƚa tastièra spesìfega).

E dèso, come scrivaròjo?
Se fà prima a farlo che a dirlo, in Polaco, Georgian, Svedexe, Venesian, Thai, Àrabo... basta un font Unicode conpatìbiƚe (prexente intuti i PC o dispoxitivi). Comuncue el pro-memòria el xé senpre soto òcio, strucando l'icona col "Ve" so ƚa strica stromenti....
Cuà xé un PDF (clik drèto e salva) co'l steso pro-memòria.

Notaben che el funsionamento (mnemonic typing) el xé conpagno so tute le tastière hardware latine (tipicamente "qwerty") de 'l mondo, mericane, portoghexi, todesche, taliane, ect...  Cioè se struca i stesi tasti baxe par scrìver i stesi grafi. Tute ƚe lengue de'l mondo oramài se pol scrìvarle co' na tastièra "qwerty".