Serca de novo > Galepin / New search > Dictionary
Serca in pàxine/documenti:
 
Serca avansada  

Documenti:
Xé in corso el trasferimento de racuanti documenti da archivi precedenti, el "Vèneto Arkivio" e mijère de files memorixài in local da i autori de el Galepin. Purmasa ƚa xé na fatura che ƚa pòrta via tanto tenpo a i voƚontari che i laora so ste pàxine.
Gramarsè par ƚa pasensia.

Donate - Contribuisi

El Galepin Premium



Descargamento fonts  - Download

Here are the best Unicode fonts available and certified for Venetian and Ladin writing - Download them for free. Type in any language, with the same font, under Windows, Mac or Linux.

Tuti i font descargàbiƚi da sta pàxena i xé Unicode:
cioè i pol ser visti so tuti i sistèmi de'l mondo co' ƚa stesa codìfega, sensa risči che se veda segni stranbi, e i xé sertifegài "full venetian", conprendenti tuti i grafi considerài da'l manual de grafia vèneta unidaria publicà da ƚa "Regione Veneto". Se pol descargarli gratis.

Unicode el gà riunìo soto na codìfega ùgnoƚa tute ƚe codìfeghe de 'l mondo (ANSI, MacRoman de Apple, ect...).
In Unicode se pol scrìvar Àrabo, Cinexe, Latin,  Vèneto, Slovaco, Grègo (Ελλενικα), Ruso (русский) ect... doparando el steso caràtere inte 'l steso documento. Tuti chi che i gà un sistèma modèrno co' font TTF o OT, i lexarà el tèsto sensa problèmi.

Se te gà un sistèma recente xé fàsiƚe che te gabi xà istaƚà òtimi fonts Unicode. Prexenpio el mèjo "sensa grasie" de Microsoft el xé "Segoe UI", el mèjo "co' grasie" (de'l SIL, ma recentemente istaƚà anca in Windows) el xé "Gentium"; Gentium te pol descargarlo a gratis legalmente anca da sta pàxena.

Xà Istaƚài in Windows:
Altri font Unicode xà istaƚài in Windows i xé Calibri, Calibri light, Arial, Arial light, Cambria, Consolas, Courier New, DéjaVu, Gentium Basic, Microsoft Sans Serif, Segoe UI, Segoe UI light, Segoe UI Semibold, 
Segoe UI Semilight, Segoe UI Black, Tahoma, Times New Roman. Cuesti i gà license comerciaƚi e no se pol métarli on line so na pàxena pùblica, se ƚi cronpa. Atension però: version pì vèce de sti stesi font no ƚe conprende tuti i segni ùtiƚi. Se te gà un Arial o un Times New Roman de calche tenpo indrìo, pol darse che no te gabi tuti i grafi che senghe vol, e te gà da istaƚar ƚa version pì recente (o cronpar un PC co' un sistèma operadivo novo). Par saver se na version ƚa xé pì recente de naltra, sensa deventar mati, basta confrontar ƚa dimension de 'l file: el pì grando el xé el pì recente (cioè el gà pì grafi indrento). 

Par internet:
Par far pàxine web dòpara senpre e soƚo "Times New Roman", "Arial", "Tahoma" o "Courier New" (a nialtri so sto sito ne piaxe doparar Segoe UI ma ghemo programà ƚe pàxine co' alternadive "Sans Serif" fra sti font). Tuti i utenti de Windows o Mac i gà xà sti font istaƚài so 'l so sistèma, par cui i vedarà ƚe pàxine presapoco come che te ƚe vedi ti co te ƚe dixegni. Te pol definir i stili CSS damòdo che un font, prexenpio "Arial", el gabie alternadive secondarie in caxo che el utente no'l gabia Arial istaƚà inte 'l so ordenador; in tal caxo desernisi font sìmili a "Arial" e che i sipia bastansa difuxi, anca a gratis, so tuti i PC: ex. (Tahoma, Deja VU, Free Sans, Aboriginal Sans...) Méteƚi in órdene de preferensa (Tahoma el vien doparà se no ghe xé Arial, DejaVU se no ghe xé Arial o Tahoma, Free Sans se no ghe xé Arial o Tahoma o DejaVu ect...). So sto sito, come che gavemo dito, "Segoe UI" el vien primo de tuti inte ƚa lista.

 

A istaƚar un font in Windows xé boni tuti, no ghe xé gninte de pì guaƚivo: còpia e incòƚa el file inte ƚa cartèƚa "Fonts". Fenìo. 

Adaxio Unicode - 60Kb *****
Full Venetian - Full Ladin
Version soto licensa OFL de 'l SIL elaborada da www.elgalepin.com.
 "Adaxio" el xé un font fato par i cèi, i prensipianti, i òrbi, co' diacrìteghi grandi e ben definìi, òro par inparar a scrìvar e lèxar, e prononsiar cuel che se lèxe. Naturalmente el xé anca un bèl font da doparar par didascalìe, fumeti, carteƚoni e via discorendo.

Aboriginal Serif Unicode - 1.65Mb **
1 font regular/italic/bold
Full Venetian - Full Ladin

Aboriginal Sans Unicode - 1.14Mb ****
1 font regular/italic/bold
Full Venetian - Full Ladin

Arev Unicode - 723Kb ***
1 font regular/bold
Full Venetian - Full Ladin

Charis SIL Unicode - Contains IPA symbols - 2Mb ***
1 font regular/italic/bold
Full Venetian - Full Ladin

Venetica Unicode Muazzo *****
1 font regular
Full Venetian - Full Ladin

El xé un bèl font in stil corsivo-caƚigràfego

Doulos SIL Unicode - Contains IPA symbols - 743Kb ***
1 font regular (similar to Times Roman)
Full Venetian - Full Ladin

Free Serif - 1.2Mb ***
1 font regular (similar to Times Roman)
Full Venetian - Full Ladin

 


Gentium Basic SIL Unicode - Contains IPA symbols - 847Kb *****+++++
2 font families in regular/italic/bold
Full Venetian - Full Ladin
Do fameje de font conplète de guaƚivo, graseto, corsivo e corsivo graseto
El mèjo de i font "co' grasie" (serif), el pì elegante, aristocràtego, come che Segoe UI el xé el mèjo de i S.G.

 


DejaVu Unicode - 2.76Mb ***
2 font Sans & Serif
regular/italic/bold

Full Venetian - Full Ladin
Caràtere in circoƚasion da racuanti ani, i lo conose e i lo dòpara tuti so tuti i sitèmi. No'l xé beƚìsimo, ma el fà el so laoro. Tuto inte un pacheto ùgnoƚo.
DejaVu el xé uno de i font latini pì estexi (anca sui segni del IPA); vedi ste pàxine de test

Gandhari Unicode - 625Kb ***
1 font regular/italic/bold
Full Venetian - Full Ladin

 


 

Venetica Unicode A Be Ce - 121Kb *****
Full Venetian - Full Ladin

Venetica Unicode Mondotondo - 257Kb *****
Full Venetian - Full Ladin
Caràtere òro da inpostar de default su navegador e programa de pòsta letrònega.

Venetica Unicode Teconto - 298Kb ****
Full Venetian - Full Ladin

Stòria de ƚa "fontonomàstega" vèneta
"Venetica A Be Ce", "Venetica Mondotondo" e "Venetica Teconto" (NON Unicode) i xé stài i primi font progetài da Fabio Lazzarin e doparài da i Vèneti co i gà dovesto studiar e discórar so 'l "Manual de Grafìa Vèneta Unitaria", inte ƚa seconda metà de i ani novanta a i corsi de lengua co'l prof. Manlio Cortelazzo. I xèra "ri-mapài" so i primi 255 caràteri de i còdexi ASCII de i font normalmente istaƚài inte i PC de l'època, in Windows 95-98, cusì come che uxava far anca i Rusi che i voƚeva scrìvar so ƚe tastiere mericane sensa riprogramar ƚa lengua de sistèma. Racuanti altri font xé stà fato
 anca da altri autori dapò de cuesti, senpre so ƚa baxe de ƚa stesa "mapadura" ASCII, ma, oramài che xé stà introdoto el sistèma Unicode, no gà altro senso dopararli.

Calche ano pì tardi xé stà riprexentà sti stesi font anca in version Unicode (se pol descargarli da cuà sora) come na sòrta de memorare.
Ancùo, esteticamente parlando, Segoe UI el xé sicuramente preferìbiƚe come font "sensa grasie", e Gentium come font "co' grasie".

 


 

Linux Biolinum e Linux Libertine Unicode - 5.12Mb ****

2 font regular/italic/bold/bold italic
Full Venetian - Full Ladin
I utenti Linux i gavarìa da ver cuesto come font Co' Grasie, e "DejaVu" come Sensa Grasie, e de xonta el "Free Sans" (sensa grasie), e el "Free Serif" (co' grasie). (Xé mèjo che i definisa uno de cuesti come predefinìo inte ƚe preferense de 'l navegador de internet, se no i gà altro)

 


N.B. Par védar ƚe pàxine de el Galepin online no ghe vol software o font particoƚari, parché tuto el xé codifegà in Unicode. Anpò, come che gavemo dito sora, ƚe pàxine ƚe xé programàe de preferensa par mostrar i caràteri in Segoe UI e Gentium (Courier New in calche tavèƚa de dati). Se no te ƚi gà, mèjo par ti se te te ƚi procuri (Gentium, almanco, el xé gratis e te ƚo cati inte sta pàxena). Se no te ƚi gà, ƚe pàxine ƚe vien mostràe co' un set de font alternadivi somejanti. 

Se conseja vivamente de descargar e istaƚar (o procurarse) almanco un font par tipo fra i seguenti, par védar poƚito sto sito: "Segoe UI", "Venetica Unicode Mondotondo", "Aboriginal Sans", "Aboriginal Serif", "Gentium", "Venetica Unicode Teconto", "Times New Roman", "Tahoma",  "Courier New"

 

 

 

"el Galepin"- Venetian - English - Italian
Privacy
Home | Contacts:

Messenger
Questo sito non utilizza cookie di profilazione

 



  • men snow boots canada