So smàrfon istaɫa soto el Keyman ɫa tastiera "European Latin" e te sì a posto co' tute ɫe lengue in grafìa latina (Vèneto conprexo), no manca asoɫutamente gninte. Opsionalmente anca ɫa "Venetia&Histria" ma voɫendo se pol far de manco.

Euro Latin so smàrfon:

Tien strucà un tasto par precavar tute ƚe varianse de grafo.
Par pasar da na tastiera a naltra, struca el mapamondo. Basta strucar na vòlta, canbio istantanio.

Venetia & Histria so smàrfon:

Russian basic so smàrfon
(so PC istaƚar Phony Rus)

 

So smarfon, ƚa tastiera ƚa xé senpre software, par cui se istaƚa senpre un file de confegurasion. Xé bona nòrma de no doparar ƚa tastiera Google o Apple o Microsoft anca par na raxion de privacy. So un PC invense se gà da interfaciarse co' na tastiera hardware: e ƚora se dòpara Keyman so Windows/Linux e Ukulele so Mac.

So un PC co' na tastièra hardware cualsesipia (latina), da Vèneti, se gà da 'ver asoɫutamente ɫa "Venetia&Histria"

El Keyman el xé indispensàbiƚe par tuti chi che i vòja scrìvar decentemente anca in altre lengue, Grègo, Ruso, Talian, Norvegexe, Turco... nisun PC o dispoxidivo a 'l mondo el gà i tasti necesari a scrìvar tuto, minùscoƚo, MAJÙSCOȽO, ACENTÀ, Я, Ю, Ш, ċ, ṅ, ö, Ö, ø, ā, ă, ą ... Par cui, se te vol scrìvar profesionalmente, te basta na tastiera hardware co' i tasti "ABC", "123", e Keyman. Gninte còpia e incòƚa da mape de caràtere.

N.B. A partir da ƚa version 9.0, da co che el SIL el gà cronpà i deriti da Tavultesoft, Keyman el xé gratis!
No ghe xé altro ƚa distinsion fra version "pro" e "standard".

Istrusion particoƚare a partir da Windows 10:

1. Descarga el Keyman da so pòsta (vedi “without any keyboards” in fondo pàxena a'l link), invense che co’ ƚa tastiera desernìa
2. Istaƚando el Keyman definisi el “layout” primario de’l sistèma (“Italian” par ƚa magioransa de i Vèneti – eventualmente prima elìmina da’l sistèma altri layout che no i sèrve a gninte, i ghe sèrve nòma che a Microsfot)
3. Descarga el file “kmp” Venetia&Histria da sto link (desconpata el zip)
4. Da ƚe inpostasion  de ‘l Keyman (configuration/layout) clica “istaƚa tastièra” (e nò “Descarga tastièra”) e inpòrta el file “kmp” che te gà descargà

​Par che motivo consejemo sta fatura:
Co’ tanti ani de servisio, nisun problèma, ƚa tastiera ƚa funsiona poƚito so Windows e smartphone Android o iPhone. So Linux dipende da ƚa distro e no podemo dar sugerimenti parché ghe xé masa varianse.
Co’ i ùltimi axornamenti de Windows, Microsoft ƚa xé drio far ƚe sòƚite fufigne. Càpita che co’ version de Windows 10 o 11, co se istaƚa el Keyman co’ ƚa so montura de tastièra, o sinò ƚa tastièra da drento el Keyman co’ ƚa funsion “Download/Descarga”, ƚa Venetia&Histria a vòlte ƚa vien sforsada a doparar el layout de tastiera “US”, che pol andar ben par chi che i vive in USA, ma inte ‘l rèsto de’l mondo, màsime in Braxil e inte ƚa Venetia stòrega, i se cata in problèmi aparentemente insormontàbiƚi, come se ghe fuse un “bao” so’l software. Ƚa tastiera V&H no ƚa gà gninte che no và, sto problèma el ghe xé anca par altre lengue in altri Paexi (grasie, Microsfot), no dipende da ƚe tastiere Keyman ma da'l sistèma operadivo.
 

So PC se conseja de aver senpre istaƚà almanco "Venetia&Histria" e "European Latin"

Cuà xé ƚa pàxena co'l pro-memòria de tastièra Venetia et Histria, vàƚido par cualsesipia tastièra hardware latina co' soƚo létare baxe A-Z (mericana conprexa). No ocor che ghe sipia tasti acentài o caràteri non ascii so ƚa tastièra hardware de ƚa màchina in uxo.

Cuà xé un PDF (clik drèto e salva) co'l pro-memòria de ƚa stesa tastiera.
 

Clik "sanco" so l'icona  par vèrxer el menu co' tute ƚe tastière cargàe (inte 'l exenpio "Venetia et Histria" e "European Latin"), e inpisar/destuar:

Da ƚa version 7.1 no ghe xé do menu, co' clik sanco e drèto, ma uno ùñoƚo.

Menu version 8 (exenpio Keyman Desktop Pro pre release):

Par vèrxer el file co' el pro-memòria de "Venetia & Histria" (PDF - clik drèto e salva), clik so "àida tastièra" (istrusion tastièra, mapa tastièra.. oncora da definir).

O sinò, vèrxer "Confegurasion"; in "Hotkeys" asegnarghe un tasto ràpido a ƚa funsion "ativa tastièra", "dexativa tastièra", o altre funsion baxe. Inte sto exenpio cuà soto se ghe dà "F12" par inpisar ƚa tastièra "Venetia et Histria" e "F9" par destuarla. Co' varie tastiere xé ben un mètodo 'fà "Alt+v" par Vèneto, "Alt+r" par Ruso, "Alt+l" par Latin ect... Se pol anca asegnar un tasto par vèrxer ƚa finèstra stesa de confegurasion:

Un click su F12 (secondo 'l exenpio) e se inpisa ƚa tastièra Venetia&Histria:

Tastièra ativada

A partir da ƚa version 7.1, interfacia utente co' lengua desernìbiƚe da drento el panèƚo de confegurasion (descargo de ƚa lengua/e a richièsta)

Editor de tèsto co' àida font (version 8):

Ƚa àida font (version 8, cuà in Keyman Desktop Pro) ƚa te dixe che font, e cuanto, che i xé conpatìbiƚi co' ògni tastièra. Curioxità: cuà se vede Tahoma che, inte na version de calche ano fa, no 'l gaveva tuti i grafi ativài da ƚa tastièra "Venetia&Histria"; invense so ƚe ùltime version de Tahoma unicode istaƚàde co' i sistèmi operativi standard, xé disponìbiƚi tuti i grafi necesari. Co' tuti i grafi soto òcio te pol saver se te pol doparar un font par ƚa to lengua; te vedi sùbito cuanti e che grafi che manca a coèrxar ƚa tastièra spesìfega.

Co' ƚa mapa caràteri Pro (no te mostremo exenpi so sta pàxena, vixivamente ƚa xé na mapa caràteri come altre), gninte altro còpia e incòƚa, basta un dopio clic par doparar i grafi cualsesìa (ògni còdexe, anca fora de cueƚi ativài da ƚa tastièra spesìfega).

E dèso, come scrivaròjo?
Se fà prima a farlo che a dirlo, in Polaco, Georgian, Svedexe, Venesian, Thai, Àrabo... basta un font Unicode conpatìbiƚe (prexente intuti i PC o dispoxitivi). Comuncue el pro-memòria el xé senpre soto òcio, strucando l'icona col "Ve" so ƚa strica stromenti....
Cuà xé un PDF (clik drèto e salva) co'l steso pro-memòria.

Notaben che el funsionamento (mnemonic typing) el xé conpagno so tute le tastière hardware latine (tipicamente "qwerty") de 'l mondo, mericane, portoghexi, todesche, taliane, ect...  Cioè se struca i stesi tasti baxe par scrìver i stesi grafi. Tute ƚe lengue de'l mondo oramài se pol scrìvarle co' na tastièra "qwerty".