Tastièra "Venetia et Histria"

Descarga da sto link el file de tastiera kmp da doparar co'l Keyman.

 

Promemòria de uxo V&H:

Se te vol doparar ƚa tastièra V&H co'l to Keyman vedi e memorixa in pochi secondi sta tavèƚa; te bastarà memorixar pochi tasti (mediamente 2 o 3 par i parlanti de ognuna de ƚe varianse vènete). Se te piaxe mèjo, ghe xé anca un PDF da descargar co' ƚa reprodusion de sto steso pro-memòria

'L acento grave el xé prexente nòma che so tastière mericane, el tilde el ghe xé nòma che so tastière portoghexi, par cui xé previsto alternadive e ognun el pol desernirse ƚa sua. Ƚa conbinasion no ƚa interferise co' ƚa scritura normal de tèsti; defati, scrivendo normalmente, dapò un segno de pontasion ghe và senpre un spasio, mai un caràtere; cuindi no se pol scrìvar segni "indexiderài", se se scrive conforme ƚe règoƚe de scritura universaƚe.

Xé da far un mìnimo de atension soƚo co se scrive un indriso internet o de pòsta letrònega co' ponti o tratini fra caràteri; in chel caxo se destùa momentaneamente ƚa tastièra e se ƚa inpisa da novo pena che se vol tornar a scrìvar normalmente (nialtri doparemo Alt+X par destuar e Alt+V par inpisar ƚa Venetia&Histria, ognun el se programa come che ghe piaxe mèjo).

O sinò se struca do vòlte el tasto de "conbinasion" par dexativarlo.
Exenpio:

..c      se produxe un "c" (digitando |.c| se produxarìa un "ċ"):
»» orso.capo@napo.net

--L     se produxe un "L" (digitando |-L| se produxarìa un "Ƚ"):
»» senso-lato@scrito.com

 

Venetia e Dalmatia in business


"el Galepin"- Venetian - English - Italian
Venetian language - ID: vec - Code 639-3


Contact:

Messenger