Ukulele
el xé un software de mapadura tastièra par Mac che el permete co' poche sénplici operasion (grasie a ƚa strutura difarente de'l sistèma operadivo de i Mac confronto a Windows/PC) de rimapar ƚa tastièra.

No se cata na tastièra xà pronta come co'l Keyman (e no se pol soliamente doparar tante tastière difarente come "European Latin" e contenporaniamente ƚa "Venetia et Histria" e magari na tastièra grèga, "indispensàbiƚe" par scrìvar libri), ma se pol farghe exeguir a i tasti cuel che se vol programàndose ognun da so pòsta ƚe so preferense inte un "layout" vèneto, almanco, da alternar a cueƚo preinpostà de'l S.O., inglexe, merican o talian che sipia. Basta doparar un "hot key" par pasar da una a staltra.

I caràteri (Ƚ, ƚ, È, É, Ò, Ó, Ẑ, Đ, đ e via discorendo...) se ƚi cata so ƚa mapa caràteri faxendo riferimento oviamente a un font suficentemente estexo a i relativi còdexi Unicode. Atension a no doparar un font rimapà ASCII (come che fin a pochi ani fà faxeva i Rusi, prexenpio) parché sinò ƚe scriture ƚe rexultarìa inposìbiƚi da lèxar so altri sistèmi.

Descarga da ƚa pàxena de 'l SIL.

In alternadiva senpre da'l SIL xé stà rexo disponìbiƚe el Keyman anca par Mac (in orìxene nòma che par Windows soto el marchio Tavultesoft).