Ukulele - Tastiera personaƚixàbiƚe

 

Ukulele
el xé un software de mapadura tastièra par Mac che el permete co' poche sénplici operasion (grasie a ƚa strutura difarente de'l sistèma operadivo de i Mac confronto a Windows/PC) de rimapar ƚa tastièra par otegnir cueƚo che in Windows se fà co' el Tavultesoft Keyman.

No se cata na tastièra xà pronta come co'l Keyman (e no se pol soliamente doparar tante tastière difarente come "European Latin" e contenporaniamente ƚa "Venetia et Histria" e magari na tastièra grèga, "indispensàbiƚe" par scrìvar libri), ma se pol farghe exeguir a i tasti cuel che se vol programàndose ognun da so pòsta ƚe so preferense inte un "layout" vèneto, almanco, da alternar a cueƚo preinpostà de'l S.O., inglexe, merican o talian che sipia. Basta doparar un "hot key" par pasar da una a staltra.

I caràteri (Ƚ, ƚ, È, É, Ò, Ó, Ẑ, Đ, đ e via discorendo...) se ƚi cata so ƚa mapa caràteri faxendo riferimento oviamente a un font suficentemente estexo a i relativi còdexi Unicode. Atension a no doparar un font rimapà ASCII (come che fin a pochi ani fà faxeva i Rusi, prexenpio) parché sinò ƚe scriture ƚe rexultarìa inposìbiƚi da lèxar so altri sistèmi. I primi font progetài par ƚa nòstra lengua (inte 'l sècoƚo pasà, 1900 e supia;)  i xèra "ASCII", co' i caràteri "alternadivi" sostituìi a'l posto de segni poco doparài inte'l "range" de cuel che oncora dèso i xé i primi 255 còdexi de caràtere. I Rusi i gà fato artanto par racuanti ani sostituindo el alfabedo cirìlico a'l posto de 'l latin, difuxo in osidente. Dèso tuto ciò el xé conpletamente contro-produxente e superà. Te pol doparar senpre un font Unicode par cualsesipia scritura, prexente e futura.

Descarga da ƚa pàxena de 'l SIL.

 


 

Venetia e Dalmatia in business


"el Galepin"- Venetian - English - Italian
Venetian language - ID: vec - Code 639-3


Contact:

Messenger