Come sercar so 'l gaƚepin online

 


 

Prègo:
Ƚasa che ƚe pàxine ƚe laore come previsto.
No stà doparar el boton "recarga".
No sta vèrxer pàxine fora de 'l so cuadro.
Dòpara i botoni a despoxision: "Serca da novo/New search" o "Home" par far na serca nova in altra lengua o co' altri critèri.

"El Galepin" online, repertòrio ètimo-conparadivo de ƚe parlade vènete, el xé conpòsto da tute ƚe edision previste insenbràe, sensa distinsion: "Fondamental", "Baxe", "Estexa", "Ensiclopedìa" e "in revixion". I laori de integrasion e coresion i xé senpre vèrti su tute ƚe schède, che ƚe pol fornir pì o manco dati, conforme tipo e grao de conpletamento.

El sito el xé despartìo prensipalmente in do sesion: ƚa prima sesion de "benvignù" (o "a menu xaƚo") co' tute ƚe informasion so ƚa lengua in xeneral (grafìa, letradura, altri gaƚepini in bibiografìa, documenti ect.) e el nòstro gaƚepin in particoƚar (progetasion, stato de i laori, blog, ect...); ƚa seconda sesion de consultasion de 'l database vero e pròpio.

Ƚa sesion de consultasion ƚa xé despartìa in do:

Àrea de serca

Inte sto spasio te inserisi ƚa to "ciave", te struchi el boton de serca o "CR" so ƚa to tastièra, e te vien mostrà un rexultado, ùgnoƚo o lista de rexultadi incoƚonài, so cui se pol clicar par vèrxar un detalio. Senpre sensa andar fora da sto spasio se pol vèrxar cuanti detalii che se vol e/o inserir altre "ciave" par canbiar critèrio de serca. El coƚor de sfondro el te dixe che tipo de dato che te si drio védar/sercar, el xé na "àida vixiva" par saver a dretura in che area de serca te si drio navegar.
Se se vol, se pol senpre végner fora de ƚa àrea spesìfega a clicando so'l link "Serca de novo/New search" so ƚa strica grixa che te vedi insima ògni pàxena, sia de detalio che "a menu xaƚo".

Àrea de detalio

Clicando so un rexultado a sanca (area de serca) se vèrxe el so detalio a drèta. I detalii i canbia co' ƚa edision. I xé pì o manco estexi, conforme el mirror che te sì drio navegar e conforme ƚa riègoƚa definìa a'l momento da "el Galepin".

Inte ƚa stesa àrea de detalio, o "schèda", se vèrxe anca un spasio riservà a i utenti de "El Galepin social", in cui ognun el pol detaliar co' resorse inserìe da so pòsta inte 'l so spasio personal (acèso co' password). Ƚa fegura soto no ƚa mostra el GS parché ƚa xé tirada xó da na edision pasada. Nòtete a 'l "GS" se te vol farte ƚa to baxe dati personal e condivìdarla co' altri.

Area de serca:
Area de detalio:
Finèstra de 'l galepin

 

Clicando, so ƚa strica insima el link "Serca de novo/New search" se pol tornar in Home Page (e axerar contenporaniamente el critèrio de serca):

 

 Serca de novo / New search
El Galepin

 

 

Consejo: te pol sercar co' e sensa acenti.
Se te serchi sensa acenti, dòpara anca "L" consonante al posto de "Ƚ" semiconsonante; co' sto critèrio te otegnarà vocàboƚi co' uno e staltro fonèma.

 

 

Serca par paròla o locusion che la "scominsia co'..."

"petenàr":
R:
petenàr, petenàre, petenàrse

"dest":
R:
destacà, destacàr, destacàre, destacàrse, destagiàr, destàgio, destagnàrse, destanàr, destavelàr, destegiàr, destegolàr ...

Detalio:

         

NB: Ƚa version disponìbiƚe on line ƚa gà nòma che pochi exenpi par fraxe de strada, letradura, ètimo e altri dati particoƚari. In xènare se pol catar tradusion, xòne de rilevamento e gramàdega.

 

Serca par nòme sjentìfego conplèto: "ghe xé indrento..."

"Anas platyrhynchos":
R:

madhurìn (Anas platyrhynchos)
madorìn (Anas platyrhynchos)
maxorìn (Anas platyrhynchos)

Còpia/incòla el nòme intièro par catar tuti i sinònimi vèneti de spèce

Area de serca
Area de serca
Rexultado de ƚa serca "Anas domestica":

 

Se pol anca sercar el xènare, e rexulta tute le spèce:

"anas":
R: 

                         

Ƚa serca in "taxon" ƚa funsiona co'l mètodo "contien".
"squalus":
R: 

axià (Squalus acanthias)
caécia (Squalus plumbeus)
cagnèa (Squalus carcharias)
cagnìa (Squalus carcharias - Carcharodon carcharias)
can bianco (Squalus carcharias - Carcharodon carcharias)
gata de asprèo (Scyliorhinus canicula - Squalus canicula)
gata nostràna (Scyliorhinus canicula - Squalus catulus)
gatasciàva (Scyliorhinus canicula - Squalus canicula)

 

  Detalio:
  (clicando so un rexultado de 'l elenco de ƚa area de serca)

 

Sacheti e bobine in polietilène


"el Galepin"- Venetian - English - Italian
Venetian language - ID: vec - Code 639-3


Contact:

Messenger