|
Cleverkeys: inpara ƚe lengue co’ un clik
El xé un programa stra-ordenario e gratis. Purmasa no'l funsiona in Windows a 64 bit, ma chi che i dòpara un sistèma operadivo a 32 bit e i ghe ne gà oncora na còpia, i pol dopararlo. El sito internet no 'l existe altro, e no se pol altro descargarlo. Pecà.
Ma...
Te pol doparar el navegador Maxthon par far ƚa stesa ròba che te faxevi co' "Cleverkeys", anca se soƚo co' contenudi web on line (nò da documenti Word o email o altro, come in Cleverkeys). Inserisi i link inte ƚa "Gestion motori de serca" de Maxthon par definir i to motori preferidi. Da na pàxena web cualsesipia seƚesiona/strasina na sčiantina ƚa paròƚa che te vol "tratar"; a dretura, se verxarà na fenèstra nova co' ƚa to serca [so "el Galepin" seƚesiona ƚa prima parte de ƚa paròƚa, se te vol catar ƚa raixa, ƚa funsion interogada ƚa xé de tipo "scominsia co'..."]; te catarà ƚa paròƚa in Vèneto, Talian, o Inglexe so "el Galepin", o ƚa prononsia inglexe de na paròƚa so HowJsay, conforme el motor che te dòpari a'l momento, ativàbiƚe so ƚa strica de serca. Te pol anca "tratar" calcòsa digitando so ƚa strica de serca soliamente el prefiso (definìbiƚe da utente) + [spasio]. Exenpio: "g london airport" par sercar "london airport" so Google; "h phraseology" par scoltar ƚa prononsia de "phraseology" so HowJsay; "v soalfa" par catar ƚa paròƚa "soalfa" in Vèneto so el Galepin ("scominsia co'..."), ect...
I mèjo inderisi da memorixar inte ‘l nòstro “Cleverkeys” o "Maxthon":
Howjsay.com – prononsia ENG:
https://howjsay.com/search.php?word=
El Galepin – VEC:
https://www.elgalepin.com/cleverkeys.asp?ciave=
El Galepin – ENG:
https://www.elgalepin.com/cleverkeys-eng.asp?ciave=
El Galepin – ITA:
https://www.elgalepin.com/cleverkeys-ita.asp?ciave=
Glosbe - RUS:
https://it.glosbe.com/ru/it/%us
...
|
Gestion motori de serca in Maxthon browser
Definisi el to "nòme alias" o prefiso e serca deƚongo, sensa seƚesionar el motor inte ƚa caxèƚa de serca. Na létara ùgnoƚa xé mèjo de tuto:
Prefisi de serca inte ƚa strica de serca de "Maxthon" (te pol definir i tui personaƚi e sercar deƚongo, sensa seƚesionar el motor manualmente):
Howjsay?
“Howjsay.com” el xé un de i mèjo siti par scoltar un sonòro de ƚa prononsia de na paròƚa che se ghe manda, in inglexe decente, internasional e conprensìbiƚe. Pena che se ghe manda na paròƚa, “Howjsay?” el ne ƚa fà scoltar, tacàndose a’l so server on line. Pasando co’l mouse sora ƚa stesa paròƚa, se pol sentirla da novo, e cuante vòlte che se vol. Ƚa xé na fatura fondamental par ‘l inglexe, che el xé scrito co’ na grafìa da pitòchi, semi-ideogràfega, òstrega anca par i anglòfoni. Siando el inglexe indispensàbiƚe a tuti cueƚi che i gà da continuar a vìver inte sto mondo, se gà da sercar de prononsiarlo pì precixamente che se pol, ancaben che exista tante varianse anglòfone locaƚi (i Vèneti -non inalfabèti-, co' ƚa so grafìa, no i gà, e no i gà mai buo de sti problèmi).
|
