|
Da 'l 1 Novenbre 2015 xé sospexo a tenpo indefinìo el servisio "Galepin Premium" a 'l pùblico.
'L acèso el xé varentìo a i utenti fin a scadensa natural de ƚa so sotoscrision, e adrìo el GP el xé riservà nòma che a i coƚaboradori de ƚa Redasion.
Sarà posìbiƚe comuncue continuar a partesipar (a costo xèro par i utenti, finansià da i nòstri sponsor) a inrichimento, coresion, "multimedixasion", notasion de sinònimi e incontrari, discusion e altro so 'l "Galepin Social"  (vedi soto), doparando i link a i social network par farse ognun el so pròpio galepin, vivo, sčèto e baxe de 'l futuro de ƚa lengua vera.
Ancùo, un galepin che se pòse considerar afidàbiƚe e prestigioxo el gà da 'ver anca servisi on line da vanguardia. De xonta a i servisi ofèrti a tuto el pùblico so i trè mirror destribuìi e dedicài a mericani e europèi, gavemo servisi avansài so altri server, sincronixài co' tute ƚe schède de detalio. El Galepin el xé on line 365/365-24/24, co' posibiƚità de interusion praticamente pròsima a xèro, grasie a ƚa gran varietà de "pòrte" vèrte so i nòstri server. El Galepin el xé na operasion de intraprexa e cultura mastodóntega, sensa pari a'l mondo, che ƚa gà da bexon de risorse conòmiche consistenti, tute ricavàe da 'l marcà e da ƚa xente de bona voƚontà, come speremo da ti.
 A 'l Galepin Premium pol notarse tuti i sostenidori, i amighi, i lenguisti profesionisti, i venetòfoni de ògni variansa seriamente interesài a ƚa so vera lengua. Inte 'l GP te podarà consultar i dati fondamentaƚi de tute ƚe schède axornàe in tenpo real. Te podarà védar i ùltimi record xontài e de ƚe ùltime coresion fate inte 'l secondo precixo in cui i nòstri operadori i manda el material so'l server primario.
A 'l GP se se nòta co' na sotoscrision. I sponsor che i aderise a'l programa anual co' pì de 5 banner ativi i vadagna anca un account personal de soravìa (se pol anca ingrumar: 10 banner - 2 account, 15 banner - 3 account, ect...)
-
Ògni password ƚa xé individual. Na persona, un account.
-
Te podarà far cualsesipia uxo personal de 'l material consultà, escluxo ƚa còpia indicixada, ƚa difuxion stanpada, ƚa re-indicixasion de 'l elenco. Gran parte de i materiaƚi inte 'l database i xé òpara escluxiva, in axornamento e studio continuo, e prevista par publicasion future. Invense el material de dominio pùblico (par el cui uxo se ghe vol senpre el parmeso de el Galepin) te ƚo cati so ƚa edision de el Galepin standard.
-
Te podarà salvar, publicar, axornar e scanseƚar sensa restrision i to dati inte 'l Galepin Social anca da drento ƚe schède de 'l GP.
|
