Serca de novo > Galepin / New search > Dictionary
Serca in pàxine/documenti:
 
Serca avansada  

Documenti:
Xé in corso el trasferimento de racuanti documenti da archivi precedenti, el "Vèneto Arkivio" e mijère de files memorixài in local da i autori de el Galepin. Purmasa ƚa xé na fatura che ƚa pòrta via tanto tenpo a i voƚontari che i laora so ste pàxine.
Gramarsè par ƚa pasensia.

Donate - Contribuisi

El Galepin Premium



Tuti i problèmi nòti

Internet Explorer 11

In Microsoft i gà dovesto córarghe drio a ƚa concorensa par ani e ani par mejorar i so navegadori. Ƚa navegasion co' Explorer ƚa rèsta mediamente pì lenta, co' pì problèmi e co' manco funsion ùtiƚi par i utenti. Ƚa navegasion co' IE8 ƚa xé piena de problèmi so ƚa magioransa de i siti (IE7 el andava mèjo - a ògni mòdo da 'l IE7 invanti, so i nòstri siti, i va tuti ben).

Co' IE11, tanti utenti i gà problèmi a logarse indrento co' password so siti scriti in .asp (cioè a doparando ƚa stesa tenoƚoxìa inventada da Microsoft!!!).
El fato 'l xé che i autori de Explorer i gà fato pràtiche abuxive par ani, e ƚa Authority de i standard HTML ƚa gà deprecà sèrti còdexi da User Agent Explorer. I siti de "el Galepin" i xé fati co' còdexe standard controƚà da un software profesional (cuindi non otimixà escluxivamente par Explorer). Sensa intrar in particoƚari masa tènisi, se te gà problèmi a logarte drento el Galepin Premium co' Explorer 11 (no ghende xé co' Safari, Maxthon, Chrome, Firefox):

  1. Và in Inpostasion/Conpatibiƚità de Explorer (Tools/Compatibility wiew settings)
  2. Inserisi elgalepin.org fra i siti da navegar in modaƚità conpatìbiƚe
  3. Vèrxi el sito Premium da sto link alternadivo: win.elgalepin.org/premium

​I utenti de "el Galepin" xé fàsiƚe che i nàveghe co'l navegador Maxthon co' interfacia vènetache el dòpara Webkit (steso de Apple Safari e Google Chrome), par cui gninte problèmi.
Gninte problèmi a logarse drento normalmente gnanca co' Chrome e Firefox.

 

Fenèstre de reclame

Co se vèrxe ƚa prima vòlta uno de i siti de "el Galepin" pol darse che se vèrxa na fenèstra de réclame. No'l xé un malfunsionamento, i reclani i vien da 'l servisio de statìstega che doparemo e no podemo cavarli. Da rèsto, calcheduni i gà da pagar par cualsesipia servisio che se dòpare, anca "el Galepin" el costa un strafujo e el xé pagà da calcheduni.
Se vèrxe na fenèstra (o ƚa vien blocada co' un vertimento de'l navegador) soƚo ƚa prima vòlta che se riva in Home Page (co' Firefox e Explorer anca un poche de vòlte in pàxine intèrne), 'pò basta, no se vede altro gninte, anca vixitando el sito racuanti xorni o stimane dòpo (fin che no se desvoda ƚa memòria de navegasion).

 

Messenger da drento el "Galepin Social"

Co xé stà spostà el sito so un server de generasion "pì nova e performante" (trasferimento obligatòrio) i mòdoƚi de contato via messenger i xé saltài, e par che no i sipia altro conpatìbiƚi. Xé stà canbià pa'l momento el mòdoƚo primario (cueƚo co' i fumeti naransoni Messenger). Par i form de contato drento el GS ƚa fatura ƚa xé pì òstrega e no xé stà risòlto el problèma, parché i xèra programài par gestir i indrisi email de i utenti tegnìndoƚi "oscurài" a 'l pùblico e a i motori de serca, ghe xèra un servisio de ricùpero password de seguresa, tacà a 'l server GS, ect... Tuto bastansa conplicà.

  • Come soƚusion tenporania invitemo i utenti a doparar el mòdoƚo normal par cualsesipia exigensa.

Mozilla Firefox (no'l xé un problèma de "el Galepin", ma de un software doparà da i nòstri utenti)

Sto navegador no 'l riconose i tasti "<" e ">" de ƚa tastiera taliana soto el contròƚo de 'l Keyman Web, par cui inpisando ƚa tastiera on line, se se vol digitar "ƚ/Ƚ" se gà da doparar el mètodo alternadivo -l/-L (come, paraltro, se fà co'  " \l" e "\L" se se vol digitar ł/Ł). El problèma no 'l existe oviamente doparando el software de sistèma Keyman Desktop, e doparando el Keyman Web co' Explorer, Maxthon o Chrome. Keyman Web el xé na aplicasion fornìa gratis par uxo estenporanio/de ripiego, e no 'l xé senpre parfèto (no 'l pol inpisar ƚa tastiera da fora de 'l so "frame", prexenpio, motivo par cui no 'l funsiona so Facebook...). El xé anpò stra-ùtiƚe se se se cata inte un internet café in Rusia o a Hong Kong, prexenpio, e se vol scrìvar email o documenti scuaxi come che se farìa in caxa.

 


Se te cati problèmi da reportar so sta pàxena fane saver, grasie. Messenger

 

"el Galepin"- Venetian - English - Italian
Privacy
Home | Contacts:

Messenger
Questo sito non utilizza cookie di profilazione

 



  • men snow boots canada